کوئٹہ میں مشرقی بائی پاس پر پولیس موبائل کے قریب دھماکا ہوا ہے جس کے نتجیے میں پولیس اہلکار سمیت 3 شہری زخمی ہوگئے۔
تفصیلات کے مطابق کوئٹہ میں مشرقی بائی پاس بھوسہ منڈی کے قریب دھماکا ہوا ہے جس کے زد میں آکر ایک پولیس اہلکار سمیت 3 شہری زخمی ہوگئے۔
اس حوالے سے پولیس کا کہنا ہے کہ دھماکا ہوتے ہی پولیس اور قانون نافذ کرنے والے دیگر اداروں کے اہلکار دھماکے کی جگہ پہنچ گئے، جنہوں نے علاقے کو گھیرے میں لے لیا۔
پولیس کا مزید کہنا ہے کہ خالق شہید تھانے کی پولیس کو دوران گشت نشانہ بنایا گیا۔
