دنیا بھر میں ’لٹل پیرس‘ کے نام سے مشہور وادئ کوئٹہ کوہ سلیمان کے پہاڑی سلسلوں کے درمیان 4 پہاڑوں میں موجود ایک بیضوی شکل کا شہر ہے، ان پہاڑوں میں کوہ چلتن، کوہ تکاتو، کوہ زرغون اور کوہ مردار شامل ہیں۔
ان پہاڑوں سے ماضی کی کئی داستانیں جڑی ہوئی ہیں، اس ویڈیو میں ہم آپ کو آسمان کو چھوتے ان پہاڑوں کے بارے میں حیرت انگیز کہانیوں سے روشناس کراتے ہیں۔
شہر کی قدیم داستانوں میں کوہ چلتن سے ایک عجیب و غریب کہانی منسوب ہے:
کوہ چلتن
کوئٹہ کے پہاڑوں میں سب بلند پہاڑ ہے یہ 3196 میٹر کی بلندی رکھتا ہے، ماضی اس پہاڑ پر ایک خاندان آباد تھا، جس کی کوئی اولاد نہ تھی، اس دوران اس پہاڑ سے گزرنے والے ایک فقیر نے اس خاندان کو دعا دی اور پہاڑ کی 40 کنکریاں اٹھا کر دیں، جس کے بعد اس خاندان میں 40 بیٹے پیدا ہوئے۔ بعد ازاں اس خاندان کے بچوں نے ایک بزرگ کے ساتھ بدسلوکی کی جس پر اس بزرگ نے انھیں بد دعا دی، جس سے سبھی بھائی کچھ ہی عرصے میں انتقال کر گئے اور اسی پہاڑ میں دفن ہوئے، جس کے بعد اس پہاڑ کا نام چلتن پڑ گیا۔کوہ مردار
کوہ مردار
اس سے متعلق بھی مختلف لوک داستانیں منسوب ہیں۔ کوہ مردار 3184 میٹر بلند پہاڑ ہے، اس پہاڑ کے نام کے پیچھے کی روایت یہ ہے کہ کسی دور میں اس پہاڑی سلسلے سے آتش فشاں کا دھواں نکلا کرتا تھا، بعد ازاں یہ دھواں نکلنا بند ہو گیا جس کے بعد یہاں کے افراد نے اس پہاڑ کا نام مردار یعنی جو مر گیا ہو رکھ دیا، اور یوں اس پہاڑی سلسلے کو کوہ مردار کہا جاتا ہے۔
کوہ تکاتو
کوئٹہ کے پہاڑوں میں کوہ تکاتو پر جانوروں کی چراگاہ کی وجہ سے اسے تکاتو کہا جاتا ہے۔ اور ماضی کی لوک داستان کے مطابق یہاں حضرت سلیمان علیہ السّلام نے اپنا تخت اتارا تھا۔
کوہ زرغون
کوئٹہ کے پہاڑوں میں چوتھا پہاڑ کوہ زرغون ہے، جس کی اونچائی 3478 میٹر ہے۔ زرغون پشتو زبان کا لفظ ہے جس کے معنی ہیں سبز پہاڑ، جو ہمیشہ سرسبز و شاداب رہتا ہے۔
