تاجر کے بیٹے کے اغواکیخلاف کل کوئٹہ میں شٹرڈاؤن ہڑتال کی جائے گی، سیاسی جماعتوں کی جانب سے ہڑتال کی حمایت کا اعلان کردیا گیا۔
پشونخوامیپ کے رہنما نصراللہ زیرے نے کہا کہ کل تمام جماعتیں اورسول سوسائٹی مظاہرہ کریں گے، اسکول کے بچے بھی احتجاجی مظاہرے میں شرکت کریں گے، رہنما اے این پی رشید خان نے کہا کہ ادارے اور ضلعی انتظامیہ بچے کی بازیابی میں ناکام ہوگئی،
رہنما جے یو آئی نظریاتی عبدالقادر نے کہا کہ صوبے میں اسکول کے بچے بھی محفوظ نہیں، رہنما نیشنل پارٹی چنگیز بلوچ نے کہا کہ مسئلہ مصور خان کے لواحقین کا نہیں پورے بلوچستان کا ہے۔
بی این پی کے رہنما غلام نبی مری کا بچے کے اغوا کے حوالے سے کہنا تھا کہ بچے پر نہیں پورے بلوچستان پر حملہ ہوا ہے۔
تاجر رہنما نے کہا کہ سیف سٹی کو 3 ماہ بھی مکمل نہیں ہوئے 630 کیمرے خراب ہوگئے، صوبائی صدر انجمن تاجران عبدالرحیم کاک نے کہا کہ کل شہر میں کامیاب شٹرڈاؤن ہڑتال ہوگی۔
