تازہ ترین

امریکی صدر نے قندوز کے اسپتال پر ہونیوالے فضائی حملے پر معافی مانگ لی

واشنگٹن : امریکی صدر باراک اوباما کا اپنے افغان ہم منصب اشرف غنی کو ٹیلیفون کیا، قندوز میں اسپتال پر فضائی حملے پر شدید غم و افسوس کا اظہار کرتے ہوئے واقعہ پر معافی مانگ لی.

وائٹ ہاؤس کے ترجمان جاش ارنسٹ نے پریس بریفنگ میں صحافیوں کو بتایا کہ امریکی صدر اوباما نے افغانستان کے ہم منصب اشرف غنی کو فون کیا، جس میں انہوں نے امریکی فورسز کی جانب سے قندوز میں ایک خیراتی ادارے کے تحت چلنے والے ہسپتال پر فضائی بمباری پرحملے کی مذمت کرتے ہوئے شدید افسوس کا اظہار کیا۔

امریکی صدرنے اسپتال حملے میں جاں بحق ڈاکٹرز اور اسٹاف عملے کے ساتھ اظہار یکجہتی کیا اور واقعہ پر معافی مانگ لی ہے.

صدر نے ٹیلی فونک گفتگو میں کہا کہ امریکہ افغانستان کیساتھ سیکیورٹی کے حوالے سے مستقبل میں کام کرنا چاھتی ہے، صدر باراک اوباما نے مزیدکہا کہ افغانستان کی ترقی اورسیکیورٹی کیلئےامریکہ اپناکردارجاری رکھے گا۔

واضح رہے کہ گزشتہ ہفتے افغانستان کے شمالی شہر قندوز کے ایک اسپتال میں امریکی طیاروں نے آدھے گھنٹے تک بمباری کی تھی، جس کے نتیجے میں اسپتال کے طبی عملے کے ارکان سمیت متعدد افراد جاں بحق ہوگئے تھے، جن میں بچے بھی شامل تھے۔

دوسری جانب ایم ایس ایف کی سربراہ جواین لیو کا کہنا ہے کہ امریکی، نیٹو اور افغان افواج کی جانب سے کی جانے والی کسی اندرونی تحقیقات پر انحصار نہیں کیا جاسکتا۔

Comments

- Advertisement -