پشاور: خیبر پختونخوا حکومت نے سرکاری اسکولوں میں پہلی سے پانچویں جماعت تک قرآن مجید کی تعلیم کو لازمی جبکہ چھٹی جماعت سے میٹرک کے بچوں کو قرآن مجید ترجمے کے ساتھ پڑھانے کی تعلیم کو لازم قرار دے دیا۔
تفصیلات کے مطابق خیبرپختونخوا حکومت نے عوام سے کیے گئے تبدیلی کے وعدے کو عملی جامع پہناتے ہوئے تمام سرکاری و نجی تعلیمی اداروں میں دیگر علوم کے ساتھ قرآن مجید کی تعلیم کو لازمی قرار دے دیا۔
خیبرپختونخوا حکومت نے یکم تا پانچویں جماعت تک قرآن کی ناظرہ تعلیم جبکہ چھٹی جماعت سے میٹرک کی کلاس تک کے بچوں کو قرآن مجید کا ترجمہ پڑھانے کی تجویز کو وزیراعلیٰ خیبرپختونخواہ پرویز خٹک نے منظور کرلیا۔
خیبرپختونخوا حکومت کی جانب سے وزیر اعلیٰ پرویز خٹک کو بھیجی گئی سمری کابینہ کو منظوری کے لیے بھجوادی گئی ہے۔
خبیر پختون خوا سمیت ملک بھر سے اس اقدام کو سراہا جارہا ہے
