The news is by your side.

Advertisement

رابی پیرزادہ کا ایک اور احسن قدم، ویڈیو وائرل

لاہور: شوبز انڈسٹری سے کنارہ کشی اختیار کرنے والی رابی پیرزادہ کی سوشل میڈیا پر نئی سواری کے چرچے ہیں، ویڈیو میں انہیں سڑک پر رکشہ چلاتے دیکھا گیا۔

تفصیلات کے مطابق رابی پیرزادہ نے اپنے فلاحی ادارے کے لیے رکشہ خریدا ہے جس کے ذریعے غریبوں تک کھانوں کی فراہمی یقینی بنائی جائے گی لیکن انہوں نے اسی رکشے کو ڈرائیو کرکے ویڈیو بنائی جو سوشل میڈیا پر وائرل ہے۔

رابی پیرزادہ نے سماجی رابطے کی ویب سائٹ انسٹاگرام پر رکشہ چلانے کی ویڈیو شیئر کی۔

اے آر وائی نیوز کے مارننگ شو باخبر سویرا میں گفتگو کرتے ہوئے رابی پیرزارہ کا کہنا تھا کہ رکشہ ہمارے فاؤنڈیشن کے سلسلے کی ایک کڑی ہے جس کی مدد سے فوڈ ڈسٹری بیوشن کی جائے گی۔

انہوں نے کہا کہ مرسڈیز چلا کر اتنی خوشی نہیں ہوئی جتنی رکشہ چلا کر ہوئی، اللہ ہمیں لوگوں کی مدد کرنے کی استطاعت دے، رابی پیرزادہ فاؤنڈیشن تقریباً 200 کے قریب غریب خاندانوں کی مدد کررہا ہے۔

Comments

یہ بھی پڑھیں