ربیع الاول کا چاند نظر نہیں آیا

چیئرمین رویت ہلال کمیٹی کا کہنا ہے کہ ملک میں ربیع الاول 1445 ہجری کا چاند نظر نہیں آیا ہے۔

اے آر وائی نیوز کے مطابق ماہ ربیع الاول کا چاند دیکھنے کے لیے چیئرمین مرکزی رویت ہلال کمیٹی مولانا عبدالخبیر آ زادکی زیر صدارت اجلاس ہوا جبکہ زونل کمیٹی کے ممبران نے دیگر شہروں سے بذریعہ ویڈیو لنک اجلاس میں شرکت کی۔

اجلاس میں محکمہ موسمیات، سپارکو، وزارت سائنس اینڈ ٹیکنالوجی کے نمائندے بھی شریک ہوئے۔

چیئرمین رویت ہلال کمیٹی نے کہا کہ اسلام آباد سمیت ملک کے کسی علاقے میں چاند نظر نہیں آیا ہے، زونل رویت ہلال کمیٹیوں کو کہیں سے شہادت موصول نہیں ہوئی۔

چیئرمین رویت ہلال کمیٹی مولانا عبدالخبیر آزاد نے کہا کہ ربیع الاول کا چاند نظڑ نہیں آیا ہے، یکم ربیع الاول پیر 18 ستمبر کو ہوگی جبکہ 12 ربیع الاول بروز جمعہ 29 ستمبر کو ہوگی۔

Comments