پاکسان کی معروف ماڈل اور اداکارہ رابعہ بٹ کا حالیہ میں کی گیا برائیڈل شوٹ سوشل میڈیا پر وائرل ہو گیا۔
فوٹو اینڈ ویڈیو شیئرنگ ایپلی کیشن انسٹا گرام پر ماڈل و اداکارہ رابعہ بٹ نے برائیڈل شوٹ کی تصاویر مداحوں کے ساتھ شیئر کر دیں جنہیں کافی پسند کیا جا رہا ہے۔
تصاویر میں دیکھا جا سکتا ہے کہ اداکارہ نے سفید رنگ کا خوبصورت عروسی لباس زیب تن کر رکھا ہے اور ساتھ میں روایتی جیولری بھی پہنی ہے۔ رابعہ بٹ نے یہ تصاویر انسٹا گرام پر اب سے 11 گھنٹے پہلے اپ لوڈ کی ہیں جنہیں ہزاروں لوگ پسند کر چکے ہیں اور برائیڈل شوٹ کی تعریفیں کی جا رہی ہیں۔
View this post on Instagram
رابعہ بٹ نے گزشتہ سال اے آر وائی نیوز کے مارننگ شو ”گڈ مارننگ پاکستان“ میں شرکت کی تھی جہاں میزبان ندا یاسر سے گفتگو کرتے ہوئے ان کا کہنا تھا کہ ٹوٹے ہوئے دلوں کو اس بات کا اندازہ ہی نہیں کہ خدا جب کچھ لیتا ہے تو بدلے میں بڑی نعمتوں سے نوازتا ہے۔
میزبان ندا یاسر نے رابعہ بٹ سے ٹوٹے دلوں کو مشورہ دینے کا کہا تو اداکارہ نے کہا کہ دل ٹوٹنے کے بعد خدائے بزرگ و برتر جس چیز سے نوازتا ہے اس کا ہمیں اندازہ بھی نہیں ہوتا۔ رابعہ بٹ کا کہنا تھا کہ خدا کا جب کسی سے کچھ لیتا ہے تو بدلے میں بے شمار نعمتوں سے نوازتا ہے وہ نعمتیں کبھی سبق کی صورت میں ہوتی ہیں اور کبھی دنیاوی اشیاء کی صورتوں میں ہوتی ہیں۔
ان کا کہنا تھا کہ انسان کو دعا مانگنی چاہیے کہ اسے تکلیف ہو کیوں کہ جب انسان تکلیف میں کوئی دعا مانگتا ہے تو اس میں خلوص ہوتا اور ٹوٹے دل سے نکلی دعا تڑپ کے ساتھ نکلتی ہے اور جب دل ٹوٹتا ہے تو انسان کو سیدھا راستہ بھی نظر آتا ہے۔