خلا کے سفر کا سن کر اخراجات برداشت کرنے والا ہر شخص اس حوالے سے پرجوش ہو سکتا ہے، لیکن پاکستانی اداکارہ اور سپر ماڈل رابعہ بٹ خلا کے سفر پر نہیں جانا چاہتیں۔
ورجن گیلیکٹک نامی ایک اسپیس ٹورازم کمپنی نے خلا کے سفر کے لیے عوامی سطح پر اسپیس ٹکٹس کی فروخت کا آغاز کر دیا ہے، دنیا بھر سے لوگ خلا کے سفر میں دل چسپی ظاہر کر رہے ہیں لیکن رابعہ بٹ نے اس پر بالکل مختلف رد عمل دیا۔
اپنی ایک انسٹا اسٹوری میں پاکستان شوبز انڈسٹری کی معروف شخصیت رابعہ بٹ نے خلا کے سفر پر جانے سے انکار کیا، خلا کے سفر کے لیے عوام کے لیے ٹکٹس کی دستیابی سے متعلق خبر کی پوسٹ شیئر کرتے ہوئے انھوں نے اس پر اپنا منفرد ردِ عمل بھی ظاہر کیا۔
View this post on Instagram
رابعہ بٹ نے لکھا ’نہیں ہمیں پہلے پاکستان پر چڑھا ہوا قرضہ اتارنا ہے، پھر میں سوچوں گی۔‘
دراصل سپر ماڈل کا کہنا تھا کہ پہلے پاکستان پر عالمی اداروں کا واجب الادا قرضہ اترے، تو اس کے بعد وہ خلا کے سفر پر جانے کے بارے میں سوچیں گی۔