فاسٹ باؤلر راحت علی رشتہ ازدواج سے منسلک ہوگئے Rahat Ali
The news is by your side.

Advertisement

فاسٹ باؤلر راحت علی رشتہ ازدواج سے منسلک ہوگئے

ملتان: پاکستانی کرکٹ ٹیم کے فاسٹ بولر راحت علی رشتہ ازدواج میں بندھ گئے، بارات میں قریبی دوستوں اور رشتہ داروں نے شرکت کی۔

تفصیلات کے مطابق پاکستانی فاسٹ باؤلر راحت علی رہائش گاہ واپڈا ٹاؤن سے بارتیوں کے ہمراہ اپنی دلہن لینے میرج ہال پہنچے تو وہاں اُن کے قریبی دوستوں اور رشتے داروں کا شاندار استقبال کیا گیا۔

شادی ہال پہنچنے پر کرکٹر کے عزیزو اقارب نے ڈھول کی تھاپ پر خوب جم کر بھنگڑے ڈالے اور اپنی خوشیوں کا اظہار کیا، باراتی میرج ہال پہنچنے تو اُن پر پھولوں کی پتیاں نچھاور کی گئیں اور دلہا سمیت دیگر باراتیوں کو ہار پہنائے گئے۔

شادی کے موقع پر کرکٹر نے میرون رنگ کی شیروانی اور لال رنگ کا قلا سرپر سجایا ہوا تھا، تقریب میں کسی بھی کرکٹر نے شرکت نہیں کی۔

واضح رہے راحت علی نے اپنی صلاحیتوں کی بنیاد پر قومی ٹیم میں جگہ بنائی اور گزشتہ برس انگلینڈ کے خلاف لارڈز میں کھیلے جانے والے میچ میں آل راؤنڈر کا کردار ادا کیا۔

Comments

comments

یہ بھی پڑھیں