نئی دہلی : بھارت نے نئے سال کے موقع پر نامور پاکستانی گلوکار راحت فتح علی خان کو ڈی پورٹ کر کے ایک بار پھر پاکستان دشمنی کا ثبوت دیا۔
نامور پاکستانی گلوکار راحت فتح علی خان ایک بار پھر بھارتی انتہا پسندی کی بھینٹ چڑھ گئے، سال نو کی تقریبات میں شرکت کے لئے راحت فتح علی خان بھارت کے شہر حیدر آباد کے ایئرپورٹ پہنچے تو بھارتی حکام نے ان کے ویزے میں کچھ تکنیکی خرابیاں نکال کر وہاں سے واپس بھیج دیا۔
بھارتی حکام کاکہنا تھا کہ انہیں حیدرآباد سے بھارت میں داخلے کی اجازت نہیں دے سکتے، جس کے بعد راحت فتح علی خان بھارت سے دبئی روانہ ہو گئے، یو اے ای واپسی کے بعد سفری دستاویزات میں خرابیاں دور کرکے راحت فتح علی خان ابوظہبی سے دہلی پہنچے اور حیدرآباد کے لیے چارٹرڈ طیارہ کرنا پڑا۔
