سابق آرمی چیف ورلڈ اکنامک فورم سے خطاب کریں گے
The news is by your side.

Advertisement

سابق آرمی چیف ورلڈ اکنامک فورم سے خطاب کریں گے

اسلام آباد: پاک فوج کے سابق سربراہ جنرل ریٹائرڈ راحیل شریف رواں سال ہونے والے عالمی اقتصادی فورم سے خطاب کریں گے، ورلڈ اکنامک فورم 17 سے 20 جنوری تک سوئٹزر لینڈ کے شہر ڈیوس میں منعقد کیا جائے گا۔

تفصیلات کے مطابق سابق آرمی چیف جنرل (ر) راحیل شریف سوئٹزرلینڈ کے شہر ڈیوس میں رواں سال ہونے والے ورلڈ اکنامک فورم سے خطاب کریں گے، انتظامیہ کی خصوصی دعوت پر راحیل شریف تین اجلاسوں سے خطاب کریں گے۔

سابق آرمی چیف سیکیورٹی اجلاس، جدید دور میں دہشت گردی اور محفوظ مستقبل پر بھی خطاب کریں گے علاوہ ازیں جنرل (ر) راحیل شریف سی پیک کے ترقیاتی مواقعوں پر روشنی ڈالیں گے اور دہشت گردی کے خلاف جنگ پاک فوج کی جانب سے کیے جانے والے اقدامات اور سیکیورٹی پر بات کریں گے۔

سالانہ اجلاس میں ریٹائرڈ جنرل عالمی ایجنڈے کو درپیش سیکیورٹی مسائل پر بھی روشنی ڈالیں گے، ورلڈ اکنامک فورم کا اجلاس 17 جنوری سے 20 جنوری تک منعقد کیا جائے گا جس میں وزیراعظم پاکستان کی شرکت بھی متوقع ہے جبکہ اجلاس میں دنیا کے مختلف ممالک سے تعلق رکھنے والے تین ہزار نمائندے شرکت کریں گے۔

Comments

comments

یہ بھی پڑھیں