ظاہر پیر: غربت سے تنگ باپ نے اپنے بچوں سمیت خودکشی کی کوشش کی، بچوں کو تشویشناک حالت میں اسپتال منتقل کردیا گیا۔
تفصیلات کے مطابق رحیم یات خان کے تھانہ رکن پور کی حدود میں واقع علاقے سردار گڑھ میں ایک دل دہلا دینے والا واقعہ سامنے آیا ہے۔
پولیس حکام کے مطابق غربت اور گھریلو مسائل سے تنگ باپ نے اپنے تین کم سن بچوں سمیت خودکشی کی کوشش کی، متاثرہ خاندان کو تشویشناک حالت میں فوری طور شیخ زید اسپتال رحیم یار خان منتقل کردیا گیا۔
پولیس حکام کا کہنا ہے متاثرین میں 32 سالہ عبد الرحمان، 11 سالہ عمیر، 9 سالہ سفیان اور 7 سالہ افصہ شامل ہے دوسری جانب ڈاکٹر کا کہنا ہے کہ باپ اور تینوں بچوں کی حالت تشویشناک ہے۔
