The news is by your side.

Advertisement

دہشت گردوں کے خلاف عدم برداشت کی پالیسی برقراررہے گی، راحیل شریف

 راولپنڈی: آرمی چیف جنرل راحیل شریف نے کورکمانڈر کانفرنس سے خطاب کرتے ہوئے کہا ہے کہ دہشت گردوں کے ساتھ کسی بھی قسم کی رعایت روا نہیں رکھی جائے گی۔

آرمی چیف راحیل شریف راولپنڈی میں کورکمانڈرزسے خطاب کرتے ہوئے کہا کہ متعلقہ ادارے ملک بھرمیں قیام امن اور سلامتی کی صورتحال کو یقینی بنانے کے لئے اپنے کردارادا کرتے رہیں۔

اجلاس میں خطے کی بدلتی ہوئی صورتحال اور اسکے پاکستان پرمرتب ہونے والے اثرات کا بھی جائزہ لیا گیا۔

ڈی جی آئی ایس پی آر جنرل عاصم سلیم باجوہ نے اپنے ٹویٹر پیغام میں بتایا ہے کہ جنرل راحیل شریف کوملک بھر میں ابھرتے ہوئے خطرات کے خلاف سیکیورٹی اورانٹلی جنس ایجنسیز کے موثر کردارکے متعلق بریفنگ دی گئی۔

جنرل راحیل شریف نے ملک میں دہشت گردوں کے تیٹ ورک کو توڑنے اوران کوسہولیات فراہم کرنے کے عمل کوسبوتاژ کرنے میں انٹیلی جنس ایجنسیزکے کردار کو سراہا۔

انہوں نے اس عزم کا بھی اعادہ کیا کہ دہشت گرد تنظیموں کو ہرگزبرداشت نہیں کیا جائے گااوران کے خلاف عدم برداشت کی پالیسی برقراررہے گی ملک کے تمام ادارے پائیدارامن کے قیام کے لئے اپنا کردارادا کرتے رہیں۔

Comments

comments

یہ بھی پڑھیں