راہول گاندھی نے بھارتی حکومت سے مسلسل دوسرے روز سوال کیا ہے کہ وہ سچ بتائیں جنگ میں پاکستان نے بھارت کے کتنے طیارے بتاہ کیے۔

بھارتی اپوزیشن رہنما راہول گاندھی رافیل طیارہ گرنے کے معاملے پر مودی حکومت کوے گلے کو آگئے ہیں، انھوں نے آج سوشل میڈیا پر شیئر کی گئی اپنی ٹوئٹ میں پھر سے بھارتی وزیر خارجہ جے شنکر سے سوال کیا ہے کہ وہ بتائیں پاکستان نے بھارتے کے کتنے طیارے گرائے؟

EAM Jaishankar’s silence isn’t just telling — it’s damning.

So I’ll ask again: How many Indian aircraft did we lose because Pakistan knew?

This wasn’t a lapse. It was a crime. And the nation deserves the truth. https://t.co/izn4LmBGJZ

— Rahul Gandhi (@RahulGandhi) May 19, 2025

ایکس پر شیئر کی گئی اپنی پوسٹ میں راہول گاندھی نے کہا کہ وزیر خارجہ جے شنکر کی خاموشی کچھ چیزیں بتا ہی نہیں رہی بلکہ یہ شرمندگی کا باعث ہے۔

انھوں نے کہا کہ اس لیے میں آج پھر پوچھ رہا ہوں کہ ہم نے پاکستان کے خلاف حالیہ جنگ میں کتنے بھارتی ایئرکرافٹ کھوئے ہیں وہ بھی اسلیے کہ پاکستان پہلے سے ہمارے حملے کے بارے میں جانتا تھا۔

راہول گاندھی نے مزید کہا کہ یہ کوئی چھوٹی موٹی غلطی نہیں ایک جرم ہے، بھارتی قوم اس حوالے سے سچ جاننا چاہتی ہے۔

اس سے قبل بھی کانگریس رہنما کہہ چکے کہ پاکستان پر حملہ کرنے سے پہلے اسے مطلع کرنا ایک جرم تھا، وہ مسلسل رافیل اور دیگر طیاروں کی تباہی کے حوالے سے مودی حکومت سے سوال کرہے ہیں۔

حکوت بتائے آپریشن سندور میں بھارتی فضائیہ کے کتنے طیارے تباہ ہوئے؟ راہول گاندھی