نئی دہلی: بھارت میں اپوزیشن کی سب سے بڑی جماعت راہول گاندھی کرونا کے خلاف اٹھائے گئے اقدامات پر حکومتِ پاکستان کے معترف ہوگئے۔
سماجی رابطے کی ویب سائٹ پر شرح نمو کے حوالے سے انڈیکس شیئر کرتے ہوئے راہول گاندھی نے بھارت کی حکمراں جماعت بھارتیہ جنتا پارٹی (بی جے پی) پر شدید تنقید کی۔
راہول گاندھی نے اپنی حکومت پر تنقید کرتے ہوئے اس بات کا اعتراف بھی کیا کہ کرونا بحران کے دوران حکومت پاکستان نے بھارت سے بہت زیادہ بہتر اقدامات کیے۔
کانگریس کے رہنما نے تنقید کرتے ہوئے لکھا کہ ’شرح نمو کو نیچے لانا بھارتی حکومت کی ایک اور ٹھوس کامیابی ہے‘۔
راہول گاندھی کی جانب سے شیئر کیے گئے انڈیکس کے مطابق بھارت کی معیشت 10.3 فیصد تک کم ہونے کا امکان ہے۔
Another solid achievement by the BJP government.
Even Pakistan and Afghanistan handled Covid better than India. pic.twitter.com/C2kILrvWUG
— Rahul Gandhi (@RahulGandhi) October 16, 2020
یاد رہے کہ اس سے قبل مختلف ممالک کے سربراہان اور عالمی اداروں نے کرونا کے خلاف کیے گئے اقدامات پر حکومت پاکستان کی کارکردگی کی تعریف کی تھی۔
مائیکرو سافٹ کے بانی اور سماجی رہنما بل گیٹس نے بھی عمران خان کے اقدامات کی تعریف کی اور مائیکرو لاک ڈاؤن کو کامیاب قرار دیتے ہوئے دیگر ممالک سے اسے اپنانے کا مشورہ دیا تھا۔
