کانگریس کے سابق صدر راہول گاندھی نے وزیر اعظم نریندر مودی کو ’جھوٹ کی مشین‘ قرار دے دیا۔
اپوزیشن سے تعلق رکھنے والے بھارتی سیاست دان راہول گاندھی نے ایکس پر اپنی ایک پوسٹ میں لکھا کہ شکست خوردہ وزیر اعظم اپنے عہدے کا وقار بھول کر جھوٹ کی مشین بن گئے ہیں۔
راہول گاندھی ماضی میں بھی یہ بات کہتے آ رہے ہیں کہ پی ایم مودی اپنی تقریروں کے دوران بہت جھوٹ بولتے ہیں، سوشل میڈیا پلیٹ فارم X پر اپنی پوسٹ میں راہول گاندھی نے لکھا کہ مایوس وزیر اعظم مودی کی باتیں تو سنیں، کہتے ہیں کہ کانگریس آپ کے گھر کا کمرہ اور گلے کا منگل سوتر اور بھینس چھین لے گی۔
एक हताश, निराश और हारे हुए प्रधानमंत्री की बातें सुनिए:
– कांग्रेस आपके घर का कमरा छीन लेगी
– कांग्रेस आपके गले का मंगलसूत्र छीन लेगी
– कांग्रेस आपकी भैंस छीन लेगीनरेंद्र मोदी ऐसी बहकी बहकी और झूठी बातें इसलिए कर रहे हैं क्योंकि कांग्रेस उनकी 300 में से 150 से ज्यादा सीटें…
— Rahul Gandhi (@RahulGandhi) May 1, 2024
انھوں نے لکھا کہ ’’نریندر مودی ایسی بہکی بہکی اور جھوٹی باتیں اس لیے کر رہے ہیں کیوں کہ کانگریس ان کی 300 میں سے 150 سے زیادہ سیٹیں چھین کر حکومت بنا رہی ہے، اسی خوف میں مودی وزارت عظمیٰ کے وقار کو بھول کر ’جھوٹ کی مشین‘ بن گئے ہیں۔‘‘
مودی حکومت کا پردہ چاک کرنے پر بھارتی ایجنٹس کی اے آر وائی نمائندے کو قتل کی دھمکیاں
راہول گاندھی کے مطابق نریندر مودی سرمایہ داروں کا ساتھی ہے، جس نے اپنے ارب پتی ساتھیوں پر ملکی دولت لٹا دی، انھوں نے کہا کانگریس عوام سے لے گی نہیں، بلکہ دے گی، کانگریس کی حکومت ’اڈانیوں‘ کی نہیں ’ہندوستانیوں‘ کی ہوگی۔
واضح رہے کہ راہول گاندھی کے علاوہ ملکارجن کھڑگے، پریانکا گاندھی، جے رام رمیش جیسے رہنما بھی اپنی ہر تقریر میں پی ایم مودی کے ’منگل سوتر‘ والے بیان کو ہدف تنقید بنا رہے ہیں۔
