نئی دہلی: بھارتی لوک سبھا میں 10 برسوں سے خالی اپوزیشن لیڈر کا عہدہ راہل گاندھی کو مل گیا۔
بھارتی میڈیا رپورٹس کے مطابق بھارت کی اپوزیشن جماعت کانگریس کے رہنما راہل گاندھی پارلیمنٹ میں اپوزیشن لیڈر بن گئے ہیں۔
گزشتہ دو عام انتخابات میں کانگریس کو اپوزیشن لیڈر کے لیے مطلوبہ تعداد میں سیٹیں نہیں ملی تھیں، تاہم اب دس سال بعد راہل گاندھی لوک سبھا میں اپوزیشن لیڈر کا کردار ادا کریں گے۔
بھارت میں اپوزیشن لیڈر کو کابینہ کے رکن کا درجہ حاصل ہوتا ہے، اس کے علاوہ اپوزیشن لیڈر چیف الیکشن کمشنرز، الیکشن کمشنرز اور سی بی آئی ڈائریکٹر کو منتخب کرنے والے پینل میں بھی شامل ہوتا ہے۔
بی جے پی رہنما کی مسلمانوں کے قتل عام کی دھمکی، ویڈیو وائرل
بھارت میں اپوزیشن کی کسی جماعت کو اپوزیشن لیڈر کا عہدہ حاصل کرنے کے لیے ایوان کی کل نشستوں کا 10 فی صد یعنی 54 نشستیں حاصل کرنی ضروری ہیں، تاہم گزشتہ ایک عشرے سے اپوزیشن کی کوئی جماعت اتنی نشستیں حاصل نہیں کر سکی تھی۔
