نئی دہلی: کانگریس رہنما راہول گاندھی نے مقبوضہ کشمیر سے متعلق ٹوئٹ میں مودی حکومت پر ایک بار پھر سخت تنقید کی ہے۔
تفصیلات کے مطابق بھارت میں کانگریس کے رہنما راہول گاندھی نے مقبوضہ جموں و کشمیر میں جاری بے دخلی مہم پر بھارتیہ جنتا پارٹی (بے جے پی) کو شدید تنقید کا نشانہ بنایا۔
راہول گاندھی تے لکھا کہ یہ خطہ روزگار، بہتر کاروبار اور محبت چاہتا ہے لیکن اسے اس کی بجائے بی جے پی کا بلڈوزر ملا۔
کشمیر میڈیا سروس کے مطابق کانگریس، نیشنل کانفرنس اور پی ڈی پی جیسی بڑی بھارتی سیاسی جماعتوں نے مقبوضہ کشمیر میں اس مہم کے خلاف اپنے تحفظات کا اظہار کیا ہے اور اسے فوری طور پر ختم کرنے کا مطالبہ کیا ہے۔
जम्मू-कश्मीर को चाहिए रोज़गार, बेहतर व्यापार और प्यार, मगर उन्हें मिला क्या? भाजपा का बुलडोज़र!
कई दशकों से जिस ज़मीन को वहां के लोगों ने मेहनत से सींचा, उसे उनसे छीना जा रहा है।
अमन और कश्मीरियत की रक्षा, जोड़ने से होगी, तोड़ने और लोगों को बांटने से नहीं। pic.twitter.com/K8kJAn20H7
— Rahul Gandhi (@RahulGandhi) February 12, 2023
ہندی میں ایک ٹوئٹ میں راہول گاندھی نے کہا کہ جموں و کشمیر روزگار، بہتر کاروبار اور محبت چاہتا ہے، لیکن اسے کیا ملا؟ بی جے پی کا بلڈوزر!
انھوں نے کہا کہ جس زمین کو لوگوں نے کئی دہائیوں تک اپنی محنت سے سینچا تھا، وہ ان سے چھینی جا رہی ہے۔
راہول گاندھی نے لکھا کہ امن اور کشمیریت کا تحفظ متحد ہونے سے کیا جائے گا، لوگوں کو تقسیم کرنے سے نہیں۔ راہول گاندھی نے ایک میڈیا رپورٹ بھی ٹیگ کی، جس میں کہا گیا ہے کہ بے دخلی مہم نے علاقے میں خوف و ہراس پھیلا دیا ہے۔
