کراچی: صوبہ سندھ کے دارالحکومت کراچی میں قومی احتساب بیورو (نیب) نے فشر مین کو آپریٹو سوسائٹی کے دفتر پر چھاپہ مار کر 2 مینیجرز سمیت 3 افراد کو گرفتار کرلیا۔ نیب ذرائع نے دعوی کیا ہے کہ چیئرمین حافظ عبد البر اورحافظ وقاص کے خلاف ثبوت مل گئے ہیں۔
تفصیلات کے مطابق سندھ میں نیب سرگرم ہوگئی۔ کراچی میں فشرمین کو آپریٹو سوسائٹی کے دفتر پر چھاپہ مار کر سوسائٹی کے ذمہ داروں کو حراست میں لے لیا گیا۔
چھاپے کے دوران نیب نے دفتر میں موجود ریکارڈ تحویل میں لے لیا۔ ذرائع کے مطابق زیر حراست افراد میں مینیجر مارکیٹنگ گل منیر، مینیجر آڈٹ شوکت بلوچ اور سابقہ مارکیٹنگ مینیجرابو بکر شامل ہیں۔
نیب ذرائع نے دعوی کیا ہے کہ چیئرمین حافظ عبد البراور حافظ وقاص کے خلاف ثبوت مل گئے ہیں۔
یاد رہے کہ فشر مین کو آپریٹو سوسائٹی کے سابق چیئرمین نثار مورائی کو بھی اس سے قبل گرفتار کیا جاچکا ہے اور ان پر مختلف الزامات عائد ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔
