مسلم لیگ ق کے رہنما مونس الٰہی کا کہنا ہے کہ بغیر وارنٹ کے چھاپے مارے جارہے ہیں۔
سماجی رابطے کی ویب سائٹ ٹویٹر پر چوہدری پرویز الٰہی کے صاحبزادے مونس الٰہی نے لکھا کہ ’پولیس، ایف آئئی اے اور دیگر نے پھر پرویز الٰہی کی رہائشگاہ پرچھاپہ مارا ہے۔
انہوں نے کہا کہ ہمارے گھر پر چھاپہ مار کر آپ کو لگتا ہے کہ ہم عمران خان کو چھوڑ دیں گے؟ دوبارہ سوچ لیں۔
Police , Fia, and others again at Kunjah House . They keep raiding without warrant. By raiding our house you think you will make us leave @ImranKhanPTI . Think again!! pic.twitter.com/eumfhL0BaA
— Moonis Elahi (@MoonisElahi6) February 6, 2023
گجرات پولیس نے چوہدری پرویزالٰہی کے گھر کا محاصرہ کر لیا ہے ، پولیس کی بھاری نفری نے علاقے کو مکمل طور پر اپنے گھیرے میں لے لیا ہے آنے جانے والے تمام راستوں کو مکمل سیل کردیا ہے۔
سابق وزیراعلیٰ پنجاب کی جانب سے جاری بیان میں بتایا گیا ہے کہ پولیس نے مکمل طور پر میرے گھر کو گھیرے میں لے لیا ہے اور ان کی جانب سے گھر میں داخل ہونے کی کوشش کی جارہی ہے۔
پرویز الہٰی نے بتایا کہ ابھی تھوڑی دیر قبل محمد خان بھٹی کو بھی سندھ سے گرفتار کرلیا گیا ہے جبکہ لاہور میں بھی ان کی رہائش گاہ پر چھاپا مارا گیا ہے۔
ذرائع کا کہنا ہے کہ پولیس کی جانب سےدروازے توڑ کرگھر کی تلاشی لی گئی اس دوان پولیس نےمحمد خان بھٹی کی سرکاری رہائش سےملازم نبیل کو حراست میں لے لیا ہے۔
