The news is by your side.

Advertisement

ریلوے ڈرائیورز کا آج رات سے ہڑتال پر جانے کا اعلان

کراچی: ریلوے ڈرائیورز نے آج رات 12 بجے سے ریل گاڑی کا پہیہ جام کرنے کا اعلان کردیا ہے۔

ٹرین ڈرائیورز ویلفیئر ایسوسی ایشن کے سیکریٹری انجم صغیر کے مطابق ڈرائیورز کی تنخواہوں اور اسکیل میں اضافہ  کا مطالبہ کیا گیا تھا جسے انتظامیہ نے سنجیدگی سے نہیں لیا۔

انہوں نے کہا کہ ریلوے انتظامیہ نے چند ماہ قبل ہمارے مطالبات منظوری کرنے کی یقین دہانی کروائی تھی تاہم اُس پر کوئی عمل درآمد نہیں ہوسکا، ہمارا مطالبہ ہے کہ ریلوے ڈرائیورز کو اسکیل 14،15 اور 16 دیا جائے اور پے اسکیل سے حساب سے رننگ الاؤنس بھی دیا جائے۔

اُن کا کہنا تھا کہ انتظامیہ کو دیے جانے والے الٹی میٹم کی معیاد آج رات 12 بجے ختم ہوجائے گی جس کے بعد جو ٹرین جہاں ہوگی وہی کھڑی رہے گی اور ہم مطالبات منظور ہونے تک گاڑیاں نہیں چلائیں گے۔

انجم صغیر کا مزید کہنا ہے کہ ریلوے کے چار ہزار سے زائد ڈرائیورز نے ایک ساتھ چھٹی کی درخواست متعلقہ ڈویژن میں جمع کروادی ہے، انتظامیہ اُسے منظور کرے یا نہ کرے ہم 12 بجے گاڑیاں ہر صورت روک دیں گے۔

Print Friendly, PDF & Email

Comments

comments

یہ بھی پڑھیں