ٹرین آنے سے قبل بند ریلوے پھاٹک کراس کرنے کی کوشش کرنے والا موٹر سائیکل سوار موت کے منہ سے کیسے بچ گیا؟ ویڈیو نے سوشل میڈیا صارفین کے دلوں کو دہلا دیا۔
یہ ویڈیو ان لوگوں کے لیے ہے جو ریلوے پھاٹک کراس کرنے کی جلدی میں ہوتے ہیں۔ ویڈیو میں دیکھا جاسکتا ہے کہ کس طرح اس موٹر سائیکل سوار شخص کی جان بچی جو موت کے دہانے پر تھا۔
اس ویڈیو کو دیکھنے کے بعد لوگ حیرت اور سکتے کے عالم میں رہ گئے، مذکورہ ویڈیو پہلے بھی کئی بار سوشل میڈیا پر وائرل ہوچکی ہے اور لوگ آج بھی اس خوفناک منظر کو نظر انداز نہیں کرپائے۔
سفر کے دوران سڑک پر چلنے کے کچھ اصول بنائے جاتے ہیں جن پر عمل کرنا لازمی ہوتا ہے جو ہمارے لیے یقیناً فائدہ مند بھی ہوتے ہیں کیونکہ یہ قوانین صرف ہماری حفاظت کے لیے بنائے گئے ہیں لیکن دیکھا گیا ہے کہ لوگ صبر نہیں کر پاتے جس کی وجہ سے بڑے بڑے حادثات رونما ہوجاتے ہیں۔
کچھ لوگ اتنی جلدی میں ہوتے ہیں کہ ریلوے پھاٹک کے کھلنے کا انتظار کرنے کی زحمت ہی گوارا نہیں کرتے۔ بند ریلوے کراسنگ کو عبور کرنے کے لیے وہ تمام حربے اختیار کرتے ہیں ایسے میں کچھ لوگ جان سے بھی ہاتھ دھو بیٹھتے ہیں۔
— CCTV IDIOTS (@cctvidiots) May 12, 2023
حال ہی میں سوشل میڈیا پر ایک ویڈیو وائرل ہو رہی ہے مذکورہ ویڈیو میں دیکھا جا سکتا ہے کہ ریلوے پھاٹک بند ہونے کے باوجود ایک موٹر سائیکل سوار ریلوے پھاٹک عبور کرنے کی کوشش کر رہا ہے۔ اس منظر نے لوگوں کو چونکا دیا ہے۔
پھاٹک بند ہونے کے باوجود وہ شخص موٹر سائیکل پر سوار ہو کر ریلوے کراسنگ عبور کرنے کی کوشش کرتا ہے۔ موٹر سائیکل جیسے ہی ایک ٹریک سے دوسرے ٹریک پر پہنچتی ہے، تبھی ٹرین پوری تیز رفتاری سے وہاں پہنچ جاتی ہے، ٹرین کو آتے دیکھ کر وہ شخص گھبراتا ہے اور پھرتی کے ساتھ پٹڑی کے قریب گر جاتا ہے۔ تیز رفتاری کے باعث موٹر سائیکل مکمل طور پر تباہ ہوجاتی ہے تاہم موٹر سائیکل سوار خوش قسمتی سے اپنی جان بچانے میں کامیاب ہوجاتا ہے۔
سماجی رابطے کی ویب سائٹ ٹوئٹر پر اس ویڈیو کو اب تک 54لاکھ سے زائد مرتبہ دیکھا جاچکا ہے، ایک صارف نے تبصرہ کرتے ہوئے لکھا کہ یہ بہت خطرناک ویڈیو ہے، سوشل میڈیا پر شیئر کرتے ہوئے ایک اور صارف نے لکھا کہ میں اس ویڈیو کو دیکھ کر حیران رہ گیا ہوں۔
