فیصل آباد: وفاقی وزیر ریلوے شیخ رشید احمد کا کہنا ہے کہ 10 مئی سے پہلے ریلوے میں انقلاب آنے جا رہا ہے۔
تفصیلات کے مطابق فیصل آباد میں میڈیا سے گفتگو کرتے ہوئے وفاقی وزیر ریلوے شیخ رشید احمد نے کہا کہ کرونا وائرس سےگھبرانے کی ضرورت نہیں ہے، کرونا وائرس کے مسئلے سے بھی نکلیں گے۔
شیخ رشید احمد کا کہنا تھا کہ ریلوے کاپہیہ چلے گا تو ملک چلےگا، 10مئی سے پہلے ریلوے میں انقلاب آنے جا رہا ہے۔ مہنگائی سے متعلق وفاقی وزیر نے کہا کہ مہنگائی اور بیروزگاری سےمتعلق عمران خان کو احساس ہے، مہنگائی سے سب سے زیادہ بوجھ غریب پر پڑا ہے۔
بھارت کے حوالے سے شیخ رشید احمد نے کہا کہ بھارت میں 3 دن میں 40 مسلمان شہید ہوئے،سیکولر اسٹیٹ آج انتہاپسندوں کی ترجمان بنی ہوئی ہے۔
انہوں نے کہا کہ ڈھیل ہوئی ہے یا ڈیل ہوئی ہے کوئی فرق نہیں پڑتا، ن لیگ، پی پی عمران خان کے خلاف کوئی تحریک چلانےنہیں جا رہیں، وزیراعظم عمران خان کا کچھ نہیں بگڑے گا۔
شیخ رشید احمد کا کہنا تھا کہ میں نہیں دیکھ رہا نوازشریف کو واپس آتے ہوئے، شہبازشریف کا کچھ نہیں کہہ سکتا ہے۔ انہوں نے مزید کہا کہ مولانافضل الرحمان بھی مایو س ہو کر میرے پاس آئیں گے، فضل الرحمان کا تعویز بھی میرے پاس ہے۔
