کراچی: شہر قائد میں موسم کی صورت حال بہتر ہو گئی ہے، گزشتہ چند دنوں کی بارش کے بعد موسم خوش گوار ہونا شروع ہو گیا ہے۔
تفصیلات کے مطابق محکمہ موسمیات نے کہا ہے کہ آج کراچی کا موسم ابر آلود رہے گا، تاہم شہر میں آج گرج چمک کے ساتھ بارش کا کوئی امکان نہیں ہے۔
محکمہ موسمیات کے مطابق کراچی میں دن کے اوقات میں آج کچھ علاقوں میں بوندا باندی ہو سکتی ہے، تاہم گرج چمک کے ساتھ بارش نہیں ہوگی۔
- Advertisement -
شہر کا موجودہ درجہ حرارت 29 ڈگری سینٹی گریڈ ہے، آج زیادہ سے زیادہ درجہ حرارت 32 سے 34 ڈگری سینٹی گریڈ تک جانے کا امکان ہے، صبح سویرے ہوا میں نمی کا تناسب 88 فی صد تھا۔
