کراچی : محکمہ موسمیات نے ملک میں آج سے تیز ہواؤں اور گرج چمک کیساتھ بارش کی پیش گوئی کرتے ہوئے کہا کراچی میں موسم خشک رہے گا۔

تفصیلات کے مطابق محکمہ موسمیات کی جانب سے کہا گیا ہے کہ ملک بھر میں آج تیزہواؤں اور گرج چمک کیساتھ بارش کا امکان ہے جبکہ سندھ کے جنوبی اضلاع میں آندھی اورگرد آلودہوائیں چلنے کی توقع ہے۔

محکمہ موسمیات نے آئندہ چوبیس گھنٹے کے دوران کوئٹہ، ژوب، چمن، بارکھان، موسیٰ خیل، زیارت، پشین، لاہور، قصور، اوکاڑہ، فیصل آباد، ٹوبہ ٹیک سنگھ، جھنگ، خوشاب، سرگودھا، بھکر میں بارش کی پیشگوئی کی ہے۔

اس کے علاوہ راولپنڈی، اسلام آباد، پشاور، مردان، چارسدہ، نوشہرہ، صوابی، بونیر، مالاکنڈ، باجوڑ، کشمیر اور گلگت بلتستان میں گرج چمک اور تیزہواؤں کیساتھ بارش متوقع ہے.

کراچی میں موسم خشک رہے گا اور درجہ حرارت میں اضافے کا امکان ہے۔

Comments