The news is by your side.

Advertisement

سندھ بھرمیں متوقع بارشیں: تمام محکموں کو ہائی الرٹ رہنے کا حکم

کراچی : سندھ بھر میں متوقع بارشوں کے پیش نظر صوبائی حکومت نے خصوصی احکامات جاری کردیئے، وزیر بلدیات سندھ سعید غنی نے تمام محکموں کو الرٹ رہنے کا حکم دیا ہے۔

تفصیلات کے مطابق محکمہ موسمیات نے پیر سے کراچی سمیت سندھ بھر میں تیز بارشوں کی پیش گوئی کی ہے، جس کے بعد صوبائی حکومت نے بھی احتیاطی تدابیر اختیار کرنے کی تیاری کرلی ہے۔

اس سلسلے میں وزیر بلدیات سعید غنی نے میونسپل کمشنر اور لوکل گورنمنٹ ڈائریکٹرز کو خصوصی احکامات جاری کیے ہیں، انہوں نے ہدایات جاری کی ہیں کہ تمام بلدیاتی ملازمین کی چھٹیاں منسوخ کردی جائیں۔

مزید پڑھیں : محکمہ موسمیات نے کوئٹہ سمیت مختلف شہروں میں مزید بارش کی نوید سنا دی

ذرائع کے مطابق متعلقہ اداروں کے ایم سیز، ڈی ایم سیز، واٹر بورڈ و دیگر میں ہائی الرٹ جاری کردیا گیا ہے، سعید غنی کا مزید کہنا ہے کہ تمام محکمے اور متعلقہ ڈپارٹمنٹ بارشوں کے دوران مکمل الرٹ رہیں، جنریٹرز اور نکاسی آب کی مشینری کو اسٹینڈ بائی رکھا جائے۔

مزید پڑھیں: محکمہ موسمیات نے اتوار سے کراچی میں ہلکی بارش کی پیش گوئی کردی

یاد رہے کہ محکمہ موسمیات کے مطابق بارش برسانے والے بادلوں کا ایک سسٹم ایران سے بلوچستان میں داخل ہوگیا ہے جو آج سے بدھ تک جاری رہنے کا امکان ہے، محکمہ موسمیات نے بارش سے ندی نالوں میں طغیانی کا بھی خدشہ ظاہر کیا ہے۔

Comments

comments

یہ بھی پڑھیں