اسلام آباد / کوئٹہ / پشاور / لاہور : محکمہ موسمیات نے آج سے تین دن کیلئے ملک کے بالائی علاقوں میں مزید بارش کی پیشگوئی کی ہے، چاروں صو بوں سمیت گلگت بلتستان اور کشمیر میں تیز ہواؤں اور گرج چمک کے ساتھ بارش کا امکان ہے۔
تفصیلات کے مطابق ملک میں بارشوں کا نیا مرحلہ شروع ہونے کو ہے، محکمہ موسمیات نے آج سے بدھ تک ملک میں مزید بارشوں کی پیشگوئی کردی۔
بلوچستان، خیبر پختونخوا، بالائی سندھ ،اسلام آباد، پنجاب، گلگت بلتستان اور کشمیر میں تیز ہواؤں اور گرج چمک کے ساتھ بارش کا امکان ہے، بعض مقامات پر ژالہ باری کی بھی پیشگوئی کی گئی ہے۔
گزشتہ چوبیس گھنٹوں کے دوران سبی ، تربت، کوئٹہ، پارا چنار اور ڈی آئی خان میں بارش ہوئی، جس کے بعد موسم خوشگوار ہوگیا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں