آسمان سے پانی اور برف کے اولے گرنا تو عام بات ہے جس کا مشاہدہ تو اکثر ہم کرتے ہی رہتے ہیں تاہم کبھی ایسا نہیں سنا کہ حشرات الارض کی بھی برسات ہوتی ہے۔
ایک ایسی ہی ویڈیو نے سوشل میڈیا صارفین کو شش و پنج میں ڈالا ہوا ہے کہ آیا بارش کی صورت میں گرنے والے یہ ہزاروں کیڑے کہاں سے اور کیسے آئے؟
مذکورہ ویڈیو میں دیکھا جاسکتا ہے کہ ایک سڑک پر قطار میں کھڑی گاڑیوں پر سیکڑوں کی تعداد میں کیڑے نما چیز واضح طور پر نظر آرہی ہے تاہم زیادہ تر کیڑے مردہ حالت میں ہیں۔
سماجی رابطے کی ویب سائٹ ٹوئٹر پر شیئر کی جانے والی اس ویڈیو میں یہ دعویٰ کیا گیا ہے کہ یہ چین کا شہر بیجنگ ہے جہاں یہ واقعہ پیش آیا، تاہم آزاد ذرائع سے اس کی تصدیق نہیں ہوسکی ہے۔
واضح رہے کہ یہ اپنی نوعیت کا پہلا واقعہ نہیں بلکہ اس طرح کے واقعات پہلے بھی کئی بار پیش آچکے ہیں، کچھ عرصے پہلے آسٹریلیا میں بھی مچھلیوں کی بارش دیکھنے میں آئی تھی۔
‘Rain of worms’ floods Beijing
A "rain of worms” flooded Beijing this week, according to videos posted on social networks. In the images, it is possible to see the "animals” covering streets and vehicles. pic.twitter.com/V2uaX6Oowk
— The Rio Times (@TheRioTimes) March 8, 2023
اس ویڈیو کے پیش نظر مختلف رپورٹس میں دعویٰ کیا گیا کہ اس عجیب وغریب واقعے کے بعد بیجنگ میں لوگوں نے اپنی حفاظت کیلئے چھتریوں کا استعمال شروع کردیا ہے لیکن تاحال چینی حکام کا مؤقف سامنے نہیں آسکا ہے۔
بعض لوگ اس ویڈیو میں موجود چیز کو چنار کے پھول قرار دے رہے ہیں جو کہ بیجنگ شہر کا ایک مقبول درخت ہے، ان کا کہنا ہے کہ جب درخت کے پھول گرتے ہیں تو وہ کیڑوں جیسے نظر آتے ہیں۔
بعض لوگوں کا ماننا ہے کہ یہ واقعہ ہوا کے طوفان کے بعد بھی پیش آسکتا ہے، سائنسی نظریہ بھی تسلیم کرتا ہے کہ ہوا کے طوفان سے بہت سے کیڑے اڑ کر دوسرے علاقوں میں پہنچ جاتے ہیں۔
واضح رہے کہ یہ اپنی نوعیت کا پہلا واقعہ نہیں بلکہ اس طرح کے واقعات پہلے بھی کئی بار پیش آچکے ہیں، کچھ عرصے پہلے آسٹریلیا میں بھی مچھلیوں کی بارش دیکھنے میں آئی تھی۔