ریاض: سعودی عرب میں طوفانی بارشوں کے بعد اگلے ہفتے مزید بارشوں کی پیش گوئی کردی گئی، بارشوں کا نیا سلسلہ 4 دن تک جاری رہے گا۔
اردو نیوز کے مطابق سعودی عرب میں موسمیات کے قومی مرکز کے ترجمان عقیل العقیل کا کہنا ہے کہ مملکت میں آئندہ ہفتے سے بارش کا نیا سلسلہ شروع ہونے کا امکان ہے۔
ترجمان کا کہنا تھا کہ آئندہ ہفتے کے شروع میں ریاض، الشرقیہ، القصیم، عسیر، باحہ، جازان اور مکہ مکرمہ ریجن کے جنوبی ساحلی مقامات پر بارش کا آغاز ہوگا۔
انہوں نے مزید کہا کہ سوموار سے جمعرات تک ریاض، مشرقی ریجن، حائل، مکہ اور مدینہ منورہ تک اس کا سلسلہ پھیل جائے گا اور تمام علاقے بارش کی زد میں ہوں گے۔
