کراچی: محکمہ موسمیات کا کہنا ہے کہ بحیرہ عرب پر ہوا کا کم دباؤ شدت اختیار کر گیا جس کے باعث کراچی سمیت سندھ کے بیشتر شہروں اور بلوچستان کے کچھ شہروں میں موسلا دھار بارش متوقع ہے۔
تفصیلات کے مطابق محکمہ موسمیات کا کہنا ہے کہ بحیرہ عرب پر ہوا کا کم دباؤ شدت اختیار کر گیا، کراچی، حیدر آباد، ٹھٹھہ، بدین اور میرپور خاص میں بارش کا امکان ہے۔
محکمہ موسمیات کا کہنا ہے کہ تھر پارکر، عمر کوٹ، سانگھڑ، شہید بے نظیر آباد سمیت سندھ کے دیگر شہروں جبکہ بلوچستان کے لسبیلہ، اورماڑہ، پسنی، گوادر، جیوانی اور تربت میں بھی موسلا دھار بارش کا امکان ہے۔
- Advertisement -
محکمہ موسمیات کی جانب سے سندھ اور بلوچستان کے ماہی گیروں کو کل تک سمندر میں نہ جانے کی ہدایت کی گئی ہے۔
