کراچی: محکمہ موسمیات کا کہنا ہے کہ کراچی میں بارش برسانے والا سسٹم کمزور پڑ گیا ہے۔
تفصیلات کے مطابق ملک کے مختلف شہروں میں وقفے وقفے سے بارش کا سلسلہ جاری ہے، تاہم کراچی میں آج بھی تیز بارش کا امکان نہیں ہے، محکمہ موسمیات کا کہنا ہے کہ بارش برسانے والا سسٹم کمزور پڑ گیا ہے۔
محکمہ موسمیات کے مطابق دادو، گھوٹکی، سکھر، ٹنڈومحمد خان، سجاول، مٹیاری، سانگھڑ، کندھ کوٹ اور کشمور سمیت سندھ بھر میں بارش سے گرمی کی شدت کم ہو گئی ہے۔
حیدرآباد میں تیز ہواؤں کے ساتھ بادل جم کر برسے اور نشیبی علاقوں میں پانی جمع ہو گیا۔ بلوچستان کے اضلاع جعفر آباد، کیچ اور گوادر میں موسلا دھار بارش ہوئی، دشت میں اولے بھی پڑے۔
کراچی میں بارش ، محکمہ موسمیات کا یوٹرن
خان پور، لیاقت پور، صادق آباد سمیت پنجاب کے مختلف علاقوں میں بارش سے گرمی کا زور ٹوٹ گیا ہے، یاد رہے کہ محکمہ موسمیات نے بارش کا سلسلہ پانچ مئی تک جاری رہنے کی پیش گوئی کی ہے۔
