تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

جمعہ سے پیر تک کراچی میں گرج چمک کیساتھ بارش متوقع ،اربن فلڈنگ کا خدشہ

کراچی : کراچی میں گرمی کاراج برقرار ہے، محمکہ موسمیات نے شہر میں آج اور کل بارش پیش گوئی کی ہے جبکہ جمعہ سے پیر تک گرج چمک کیساتھ بارش متوقع ہے ، جس سے اربن فلڈنگ کی صورتحال پیداہوسکتی ہے۔

تفصیلات کے مطابق محکمہ موسمیات نے پورے ملک میں بارش کی پیش گوئی کردی ، کراچی میں گرمی برقرار ہے، آج اور کل گرج چمک کے ساتھ بارش کا امکان ہے۔

ڈائریکٹرمحکمہ موسمیات نے کہا کہ طوفان کا رخ عمان کی جانب ہے، طوفان کراچی کے ساحل سے آٹھ سوکلو میٹر دور ہے، آج طوفان شدت اختیارکرلے گا، ہیکا طوفان سے کراچی کو خطرہ نہیں ہے۔

چیف میٹرولوجسٹ سردارسرفراز کا کہنا تھا کہ ایک اور لو پریشر ایریا بھارتی گجرات کی جانب بن رہا ہے، کل شام سے اس کا اثر نظر آنا شروع ہو جائے گا، جس کے باعث کل سے 30ستمبر تک کراچی سمیت سندھ بارش متوقع ہے۔

سردارسرفراز نے کہا کہیں ہلکی اورکہیں تیزبارش کاامکان ہے، خلیج بنگال سے مون سون کے مزید سسٹم داخل ہورہےہیں جبکہ شمال مشرقی اورجنوب مشرقی علاقوں میں نیا سسٹم داخل ہونے کا امکان ہے۔

مزید پڑھیں : ہیکا طوفان کراچی کے ساحل سے 800 کلو میٹر کی دوری پر پہنچ گیا

محکمہ موسمیات کا کہنا ہے کہ جمعرات سے سسٹم کے مضبوط ہونے کا امکان ہے، جمعہ سےپیرکےدوران کراچی میں گرج چمک کیساتھ بارش متوقع ہے ، جس سے اربن فلڈنگ کی صورتحال پیدا ہوسکتی ہے۔

محکمہ موسمیات کے مطابق آج بھی شہر میں موسم گرم اور مرطوب رہے گا، زیادہ سے زیادہ درجہ 38ڈگری تک ریکارڈ کیا جاسکتا ہے، ہوا میں نمی کا تناسب 85 فیصد ہے جبکہ اس وقت 8 کلومیٹر فی گھنٹہ کی رفتار سے ہوائیں چل رہی ہیں۔

دوسری جانب محکمہ موسمیات کا کہنا ہے کہ آج گوجرانوالہ،راولپنڈی،اسلام آباد، مالاکنڈ،ہزارہ،پشاور،مردان اورکشمیر میں چندمقامات پر تیزہواؤں اور گرج چمک کیساتھ بارش متوقع ہے۔

Comments

- Advertisement -