The news is by your side.

Advertisement

بھارتی کرکٹر کے ماموں کو قتل کردیا گیا

نئی دہلی: سابق بھارتی کرکٹر سریش رائنا کے ماموں کو ڈاکوؤں نے قتل کردیا۔

بھارتی میڈیا رپورٹس کے مطابق سابق بھارتی کرکٹر سریش رائنا کے ماموں اشوک کمار کو ڈاکوؤں نے گھر میں ڈکیتی کے دوران مزاحمت کرنے پر قتل کردیا۔

متوفی اشوک کمار ایک سرکاری ادارے میں ملازم تھے، پولیس کے مطابق یہ واقعہ 19 اور 20 اگست کی درمیانی شب پنجاب کے پٹھان کوٹ کے تھرپال گاؤں میں پیش آیا۔

اشوک کمار کے بڑے بھائی شیام لال نے تصدیق کی کی مقتول سریش رائنا کے ماموں تھے، انہوں نے کہا کہ امید ہے کہ رائنا گاؤں کا دورہ کریں گے۔

اس سے قبل ایک سینئر پولیس افسر کا کہنا تھا کہ وہ متاثرہ شخص کے کرکٹر کے ساتھ تعلقات کی تصدیق نہیں کرسکتے ہیں۔

پولیس کے مطابق بدنامہ زمانہ کالے کچھیوالا گروہ کے تین سے چار افراد لوٹ مار کے ارادے سے آئے تھے، انہوں ںے پٹھانکوٹ کے مادھو پور کے قریب ترپال گاؤں میں ان کے گھر پر دھاوا بولا اور ان کے اہلخانہ پر حملہ کردیا۔

اشوک کمار حملے کے وقت وہ اپنے گھر کی چھت پر سو رہے تھے، اشوک کمار کے سر میں چوٹیں آئیں اور وہ اسی رات فوت ہوگئے۔

ایس ایس پی کا کہنا تھا کہ ہم اس کے معاملے کی تحقیقات کررہے ہیں۔

Comments

یہ بھی پڑھیں