اسلام آباد: پری مون سون بارشوں کے باعث ملکی آبی ذخائر میں ریکارڈ پانی جمع ہونے لگا، 3 بڑے ڈیمز میں 2 روز کے دوران 4 لاکھ ایکڑ فٹ سے زائد کا اضافہ ریکارڈ کیا گیا.
اے آر وائی نیوز کے مطابق پری مون سون بارشیں کے سبب ملکی آبی ذخائر میں ریکارڈ پانی جمع ہونے لگا، 3 بڑے ڈیمز میں 2 روز کے دوران 4 لاکھ ایکڑ فٹ سے زائد کا اضافہ ریکارڈ کیا گیا، تربیلا، منگلا اور چشمہ میں پانی کے ذخائر 82 لاکھ 6 ہزار ایکڑ فٹ تک پہنچ گئے۔
ارسا حکام کا کہنا ہے کہ تربیلا میں آج پانی کا ذخیرہ 40 لاکھ 37 ہزارایکڑ فٹ تک ہے، منگلا میں پانی کا مجموعی ذخیرہ 39 لاکھ 86 ہزار ایکڑ فٹ تک ہے،
اس کے علاوہ چشمہ میں آج پانی کا ذخیرہ 1 لاکھ 83 ہزار ایکڑ فٹ تک رہا، ہیڈ مرالہ کے مقام پر دریائے چناب میں پانی کی آمد 92 ہزار900 کیوسک ہے۔
ارسا حکام کے مطابق دریائے چناب پر ہیڈ مرالہ سے پانی کا اخراج 77 ہزار100 کیوسک ہے، نوشہرہ کے مقام پر دریائے کابل میں پانی کی آمد 65 ہزار 300 کیوسک ہے۔
