The news is by your side.

4 اپریل سیاہ دن ہے ، ہمارے قائد کوپھانسی دی گئی، راجہ پرویز اشرف

آج پاکستان کا ہرشہری پریشان ہے، حکومت نام کی کوئی چیزنہیں

سکھر : پیپلز پارٹی کے رہنما اور سابق وزیراعظم راجہ پرویز اشرف کا کہنا ہے کہ 4 اپریل سیاہ دن ہے ،ہمارے قائد کوپھانسی دی گئی، اس دن ذوالفقار  علی بھٹو کو خراج عقیدت پیش کریں گے، آج پاکستان کا ہرشہری پریشان ہے، حکومت نام کی کوئی چیزنہیں۔

تفصیلات کے مطابق سکھر میں پیپلز پارٹی کے رہنما اور سابق وزیراعظم راجہ پرویز اشرف نے میڈیا سے گفتگو کرتے ہوئے کہا 4 اپریل سیاہ دن ہے ،ہمارے قائد کوپھانسی دی گئی، ذوالفقار بھٹو ایسی شخصیت تھی جس نے کم عرصے میں جمہوریت دی۔

راجہ پرویز اشرف کا کہنا تھا 9 کروڑ99لاکھ20ہزار لوگوں کاسیاست میں دخل نہیں تھا، چار اپریل کوذولفقار علی بھٹو کو خراج عقیدت پیش کیا جاتا ہے، عوام کے دلوں میں شہید بھٹو اور بے نظیر بھٹو زندہ ہیں۔

عوام کے دلوں میں شہید بھٹو اور بے نظیر بھٹو زندہ ہیں

سابق وزیراعظم نے کہا پیپلز پارٹی مہنگائی کےخلاف جدوجہد اور ذمےداری ادا کرتی رہےگی، ہرشہری پریشان ہے، ڈالر بڑھ جاتاہے وزیر اعظم اوروزیر خزانہ کہتے ہیں علم ہی نہیں ڈالر بڑھ گیا ہے، قیمتیں بڑھتی ہیں توکہتےہیں یہ توبہت ضروری تھا۔

پی پی رہنما کا کہنا تھا عمران خان نے کہا تھا 200ارب ڈالر ملک میں لائیں گے، حکومت جتنے دن قائم رہے گی عوام کو سب بھگتناپڑےگا، پیپلز پارٹی کااپنا نظریہ اپنی سوچ ہے ،اپنے انداز سے سیاست کرتے ہیں، وزیراعظم عمران خان کی ہر بات کا جواب دینا ضروری نہیں۔

حکومت جتنے دن قائم رہے گی عوام کو سب بھگتناپڑےگا

انھوں نے کہا نیب سےصرف اتنا مطالبہ کیاہےکہ سب کے ساتھ برابری کاسلوک کیاجائے۔

خیال رہے  سابق وزیر اعظم ذوالفقار علی بھٹو کی برسی 4 اپریل کو منائی جائے گی، سندھ حکومت کی جانب سے برسی کے موقع پر سندھ بھر میں عام تعطیل کا اعلان کیا گیا ہے جس کا نوٹیفکیشن بھی جاری کردیا گیا ہے۔

شہید ذوالفقار علی بھٹو کی 39 ویں برسی کے موقع پر گڑھی خدا بخش میں دعائیہ تقریب کا انعقاد کیا جائے گا جس میں ملک بھر سے لاکھوں کی تعداد میں عوام اور کارکنان شرکت کریں گے۔

Comments

یہ بھی پڑھیں