The news is by your side.

Advertisement

راجہ ریاض قومی اسمبلی میں اپوزیشن لیڈر مقرر

ذرائع کے مطابق ایم این اے راجا ریاض کو قومی اسمبلی میں اپوزیشن لیڈر مقرر کردیا گیا ہے، اسپیکر قومی اسمبلی نے راجہ ریاض کی بطور اپوزیشن لیڈر منظوری دے دی ہے۔

ذرائع کا کہنا ہے کہ راجہ ریاض کو سولہ ارکان کی جانب سے حمایت حاصل ہے، قومی اسمبلی سیکریٹریٹ سےکچھ دیر بعد باضابطہ نوٹیفیکیشن جاری کردیا جائے گا۔

ڈپٹی اسپیکر نے اپوزیشن لیڈر کیلئے حامی ارکان کے دستخطوں سے آج درخواستیں مانگی ہیں جن کی آج ہی اسکروٹنی کی گئی اور اکثریتی حمایت رکھنے والے کو رکن کو اپوزیشن لیڈر نامزد کیا گیا۔

یاد رہے کہ پاکستان تحریک انصاف کی جانب سے مبینہ امریکی دھکمیوں کے بعد قومی اسمبلی سے استعفی دئیے گئے تھے استعفے دینے کے اعلان کے بعد سے قومی اسمبلی میں قائدِ حزب اختلاف کی نشست خالی تھی۔

 مجموعی طور پر قومی اسمبلی میں قائد حزب اختلاف کے لیے چار امیدوار میدان میں تھے، جن میں نور عالم خان اور راجہ ریاض سمیت گرینڈ ڈیموکریٹک الائنس کے غوث بخش مہر اور ق لیگ کے حسین الٰہی شامل تھے۔

چاروں امیدواروں نے اپوزیشن لیڈر کے امیدوار کے طور پر اپنے حامی ارکان کے دستخط کے ساتھ درخواست اسپیکر قومی اسمبلی راجہ پرویز اشرف کے پاس جمع کروا گئی تھی۔

Comments

یہ بھی پڑھیں