The news is by your side.

Advertisement

تحریکِ آزادی کے عظیم راہ نما راجا صاحب محمود آباد کی برسی

آج تحریکِ پاکستان کے راہ نما راجا صاحب محمود آباد کا یومِ‌ وفات ہے۔ وہ ہندوستان کی ایک مشہور ریاست محمود آباد کے والی مہا راجا سَر محمد علی خان کے فرزند تھے۔ 14 اکتوبر 1973ء کو راجا صاحب لندن میں انتقال کرگئے تھے۔ ان کا مدفن مشہد میں ہے۔

راجا صاحب 5 نومبر 1914ء کو پیدا ہوئے۔ ان کا اصل نام امیر احمد خان تھا۔ ان کا شمار تحریکِ پاکستان کے ان نام ور راہ نمائوں میں ہوتا ہے جو آزادی کی تحریک میں‌ ہر محاذ پر پیش پیش رہے اور ہر طرح کی قربانی دی۔ مال و دولت کی فراوانی اور ہر قسم کی آسائش میسر ہونے کے ساتھ ساتھ انھوں نے اچھی تعلیم و تربیت کے سبب انگریزی اور فارسی زبانوں پر بھی عبور حاصل کیا اور اپنے عمدہ خصائل کی بدولت بھی پہچانے گئے۔

والد کے انتقال کے بعد راجا صاحب محمود آباد کے والی بن گئے، لیکن بہت جلد مسلم لیگ کے پلیٹ فارم سے سیاست میں فعال ہو کر مسلمانوں کی ابتری دور کرنے کی کوششوں اور ان کے لیے سیاسی جدوجہد میں‌ مصروف ہوگئے۔ وہ مسلم لیگ کو مضبوط کرنے کے لیے مالی امداد بھی کرتے رہے اور اپنے مالی وسائل اور آمدن کو مسلمانوں کے مسائل حل کرنے کے لیے وقف کردیا۔

1947ء میں راجا صاحب پاکستان چلے آئے اور یہاں کسی منصب اور رتبے کی تمنا کیے بغیر مسلمانوں کی خدمت کرتے رہے۔ عمر کے آخری حصے میں راجا صاحب برطانیہ منتقل ہوگئے تھے جہاں اسلامک ریسرچ سینٹر سے وابستہ ہوئے اور وہیں زندگی کا سفر تمام کیا۔

Comments

یہ بھی پڑھیں