کراچی : انچارج سی ٹی ڈی راجہ عمر خطاب نے کراچی لانڈھی مانسہرہ کالونی خودکش حملے میں علیحدگی پسندتنظیم کے ملوث ہونے کا شبہ ظاہر کردیا۔
تفصیلات کے مطابق کراچی کے علاقے لانڈھی مانسہرہ کالونی میں خودکش حملہ ہوا ، حملے کے بعد انچارج سی ٹی ڈی جائے وقوعہ پہنچے۔
اس موقع پر راجہ عمر خطاب نے میڈیا سے گفتگو کرتے ہوئے کہا کہ لگتا ہے خودکش حملہ علیحدگی پسندتنظیم نے کیا، 3گاڑیوں میں غیرملکی جارہے تھے اور خودکش حملہ آورقریب میں موجود تھے۔
انھوں نے کہا کہ خودکش حملہ ریکی کرکے کیا گیا، جو اسلحہ ملا ہے وہ جہادی تنظیموں کا نہیں لگتا تاہم تحقیقات جاری ہے۔
انچارج سی ٹی ڈی کا کہنا تھا کہ سیکیورٹی کمپنی کےملازم نے فائرنگ کی حملہ ناکام ہوا اور حملے میں تمام غیر ملکی افراد محفوظ ہیں۔
انھوں نے بتایا کہ اسپیڈ بریکر پر گاڑی سلوہوئی توحملہ کیاگیا، سی ٹی ڈی کام کررہی ہے شواہد ملے ہیں، سی ٹی ڈی نےاس سےقبل بھی متعدد دہشت گردگروپوں کوگرفتار کیا۔
ان کا مزید کہنا تھا کہ سی ٹی ڈی پولیس کا حصہ ہے ، سی ٹی ڈی کارروائیوں کےبیشتر کیسز کا میڈیا پر ذکر نہیں کیا جاتا۔
