The news is by your side.

Advertisement

چاند نظر نہیں آیا، یکم رجب 9 مارچ کو ہوگی

شبِ معراج 3 اپریل بروز بدھ کی رات ہوگی

کراچی: روہت ہلال کمیٹی کے چیئرمین مفتی منیب الرحمان نے اعلان کیا ہے کہ رجب کا چاند نظر نہیں آیا۔

تفصیلات کے مطابق کراچی کے محکمہ موسمیات کے مرکزی دفتر میں مفتی منیب الرحمان کی زیر صدارت رویت ہلال کمیٹی کا اجلاس ہوا جس میں ماہرین فلکیات بھی شریک تھے۔

رویت ہلال کمیٹی کی زونل کمیٹٰوں کے اجلاس لاہور، اسلام آباد، پشاور اور کوئٹہ میں بھی منعقد ہوئے، اس دوران ملک کے کسی بھی علاقے سے چاند کی رویت کی شہادت موصول نہیں ہوئی۔

اجلاس کے بعد میڈیا سے گفتگو کرتے ہوئے چیئرمین رویت ہلال کمیٹی نے اعلان کیا کہ رجب المرجب 1440 ہجری کا چاند نظرنہیں آیا،لہذا یکم رجب بروز ہفتہ 9 مارچ کو ہوگی۔

مزید پڑھیں: شبِ معراج، محبوب الہیٰ اورعاشق کی ملاقات

نو مارچ کو یکم رجب ہونے کے حساب سے شب معراج 3 اپریل بروز بدھ کی شب عقیدت و احترام سے منائی جائے گی۔

یاد رہے کہ 27 ویں رجب کو نماز مغرب کے بعد سے مسلمان شبِ معراج کو مذہبی عقیدت و احترام سے مناتے ہیں جس کے تحت خاص عبادات کا احترام کیا جاتا ہے۔

شبِ معراج کی مناسبت سے مساجد میں دروس اور خصوصی دعاؤں سمیت صلوۃ طوبہ کا اہتمام بھی کیا جاتا ہے۔

یہ بھی پڑھیں: سفرِسدرۃ ُالمنتہیٰ، دیدارِِ ربُ العالمین ، معراج مصطفٰی ﷺ

معراج کی شب کو دین اسلام میں نمایاں اور منفرد مقام حاصل ہے کیونکہ اس روز اللہ رب العزت نے اپنے محبوب حضرت محمد صلی اللہ علیہ وآلہ وسلم کو عرشِ معلہٰ پر اپنے پاس بلا کر اپنا دیدار کرایا ۔

حرمت والا مہینہ، جنگ و قتال منع:

لفظ رجب، ترجیب سے نکلا جس کے معنی تعظیم کے ہیں، رجب المرجب ہجری کلینڈر کا ساتواں مہینا ہے، یہ حرمت والے چار ماہ میں شامل ہے، دین اسلام میں اس ماہ میں بھی جنگ اور قتل کرنے کی ممانعت ہے،اس ماہ میں توبہ جلد قبول ہوتی ہے اس ماہ کا ایک نام الاصب بھی ہے جس کے معنی ہیں تیز بہاؤ، یعنی توبہ جلد قبول ہوتی ہے۔

Comments

comments

یہ بھی پڑھیں