راجن پور : کوٹلہ حسن شاہ کے قریب مسافر کوچ اور ٹرالر میں تصادم کے نتیجے میں چار افراد جاں بحق اور 30سے زائد زخمی ہوگئے۔
تفصیلات کے مطابق ڈرائیورز کی غفلت قیمتی انسانی جانوں کے ضیاع کا باعث بن گئی، کراچی سے پشاور جانیوالی مسافر کوچ کوٹلہ حسن شاہ کے قریب ٹرالر سے ٹکرا گئی، حادثے میں کئی جانوں کے ضیاع کے علاوہ تیس سے زائد افراد زخمی ہوگئے۔
ریسکیو ذرائع کے مطابق زخمیوں کو فوری طور پر روجھان اور راجن پور کے اسپتالوں میں منتقل کیا گیا جبکہ تمام اسپتالوں میں ایمرجنسی نافذکردی گئی۔
زخمیوں میں کم عمر بچے اور خواتین بھی شامل ہیں، حادثے کے بعد ریسکیو ون ون ٹو ٹو نے امدادی کارروائیوں کا آغاز کردیا ہے۔
0
20
