نئی دہلی: راجستھان کے بھرت پور میں ایک شخص کو اس کے بھائی نے زمین کے تنازع پر ٹریکٹر سے بے دردی سے کچل کر مار ڈالا۔
غیر ملکی ذرائع ابلاغ کے مطابق پولیس ذرائع نے بتایا کہ دو خاندانوں میں زمین کے ٹکڑے پر جھگڑا چل رہا تھا، ملزم دامودر نے مبینہ طور پر اپنے بھائی نیرپت پر آٹھ بار ٹریکٹر چڑھایا یہاں تک کہ وہ مر گیا، ملزم کو حراست میں لے لیا گیا ہے۔
رپورٹ کے مطابق بہادر سنگھ اور عطار سنگھ کے خاندان میں بھرت پور میں زمین کے ایک ٹکڑے پر طویل عرصے سے تنازعہ چل رہا تھا، آج صبح بہادر سنگھ کا خاندان ٹریکٹر پر متنازعہ پلاٹ پر پہنچ گیا، جہاں اتر سنگھ کا خاندان کچھ دیر بعد آیا۔
کچھ ہی دیر میں دونوں خاندان آپس میں لڑ پڑے اور ایک دوسرے پر لاٹھیوں اور پتھروں سے حملہ شروع کردیا، گاؤں والوں نے دعویٰ کیا کہ انہوں نے گولیوں کی آوازیں سنیں۔
پولیس نے بتایا کہ جھڑپ کے دوران، جب عطار سنگھ کا ایک بیٹا، نیرپت، زمین پر گر گیا، اس کے بھائی نے اسے ٹریکٹر سے آٹھ بار روندا، یہاں تک کہ وہ مر گیا۔
لڑائی کے دوران 10 کے قریب افراد زخمی ہوئے جنہیں اسپتال میں طبی امداد دی جا رہی ہے۔ پولیس نے مقدمہ درج کر کے چار افراد کو پوچھ گچھ کے لیے حراست میں لے لیا ہے۔
تیندوے کی گھروں میں چھلانگیں، 5 دیہاتی شدید زخمی، ویڈیو وائرل
اطلاعات کے مطابق پانچ روز قبل دونوں خاندانوں میں جھگڑا ہوا تھا جس میں بہادر سنگھ اور اس کا چھوٹا بھائی زخمی ہو گئے تھے۔
