بھارت کی متنازع اداکارہ و ڈانسر راکھی ساونت نے پاکستان آنے کا اعلان کردیا۔
بھارتی اداکارہ اور ڈانسر راکھی ساونت کا کہنا ہے کہ وہ پاکستانی اداکارہ ہانیہ عامر سے ملنے پاکستان آرہی ہیں اور ہانیہ سے ایئرپورٹ لینے آنے کے لیے بھی کہا۔
اس سے قبل راکھی ساونت نے ہانیہ عامر، نرگس اور دیدار کو ڈانس کرنے کا چیلنج دیا تھا۔
اب انسٹاگرام ویڈیو میں راکھی نے اعلان کیا کہ وہ ہانیہ عامر سے ملنے کے لیے پاکستان آرہی ہیں اور کہا کہ آپ میرا استقبال کرنے کے لیے ایئرپورٹ بھی آئیں۔
View this post on Instagram
اس سے قبل بھارت میں ٹک ٹاک پر پابندی کے خلاف راکھی ساونت نے وزیراعظم نریندر مودی کو دھمکی دی تھی کہ اگر پابندی نہیں ہٹائی گئی تو ان کے پاس پاکستان منتقل ہونے کے علاوہ کوئی آپشن نہیں ہوگا۔
انہوں نے کہا کہ میں ہانیہ، نرگس، دیدار اور ملک کے دیگر شوبز اسٹارز سے ملنے پاکستان جارہی ہوں۔
راکھی ساونت نے کہا کہ ہانیہ، کیا تمہارے گھر میں جگہ ہے، اپنی بھارتی بہن کے لیے؟ پھر پوچھا کہ ’آؤ۔ مجھے ایئرپورٹ سے اٹھالو۔‘
ہانیہ عامر نے بھی انسٹاگرام ویڈیو میں راکھی کو جواب دیا کہ ’سب کو گڈ مارننگ، میں صرف یہ کہنا چاہتی ہوں کہ میری زندگی پہلے کافی اداس تھی لیکن پھر راکھی جی زندگی میں آگئیں۔
انہوں نے کہا کہ راکھی جی میں آپ کو ایئرپورٹ ریسیو کرنے کے لیے آرہی ہوں۔
