بالی ووڈ کی معروف اداکارہ و ڈانسر راکھی ساونت کی پاکستانی شخص سے شادی کے اعلان پر سابق شوہر رتیش راج سنگھ کا ردعمل سامنے آگیا۔
چند دن قبل پاکستانی اداکار و ماڈل دودی خان نے انسٹاگرام ویڈیو میں راکھی ساونت کو شادی کی پیش کش کی تھی، بعد ازاں دودی خان نے ایک اور ویڈیو میں بتایا کہ اب وہ لوگوں کی تنقید کی وجہ سے راکھی ساونت سے شادی نہیں کر سکتے، انہیں ٹرول کیا گیا لیکن وہ بھارتی اداکارہ کی شادی کسی دوسرے پاکستانی سے کروانے کو تیار ہیں۔
جس پر بھارت کی متنازع اداکارہ راکھی ساونت نے کہا ہے کہ انہوں نے پاکستانی اداکار و ماڈل دودی خان سے شادی کے لیے رضامندی ظاہر کی تو انہیں غدار کہا گیا، ان کے خلاف فتوے نکالے گئے جس کے بعد دودی نے شادی سے انکار کیا۔
View this post on Instagram
تاہم اب اداکارہ راکھی ساونت کے سابق شوہر رتیش راج سنگھ نے بھی اس پورے معاملے پر کھل کر ردعمل کا اظہار کیا ہے۔
وائرل ویڈیو میں رتیش نے راکھی کا مذاق اڑاتے ہوئے کہا کہ انہوں دودی خان کو راکھی سے دور کیا، وہ زور زور سے ہنستے ہوئے کہا کہ راکھی کبھی بھی پاکستان کی بہو نہیں بن سکتیں۔
دودی خان کا شادی سے انکار پر راکھی ساونت کا ردعمل
دودی خان نے راکھی ساونت سے شادی کرنے سے انکار کردیا
ویڈیو میں رتیش نے کہا کہ تم کیا سمجھتی ہو؟ میں ایسے ہی بےوقوف بیٹھا ہوں، دودی خان کی تم سے شادی کبھی نہیں ہو سکتی، میں یہ شادی نہیں ہونے دوں گا، یہ رتیش سنگھ کا وعدہ ہے، اگر ڈرپوک دولہے کو چُنا گیا تو یہی ہوگا۔
ویڈیو میں آگے رتیش نے مزید کہا کہ راکھی صرف تب ہی پاکستان کی بہو بن سکتی ہیں جب ہانیہ عامر اور دیگر پاکستانی اداکارائیں بھارت آئیں اور بھارتی مردوں کی دوسری بیویاں بن جائیں۔
