بغداد: عراق میں خانہ جنگی کے ستائے عوام سیاسی اصلاحات اور بدعنوانی کے خاتمے کے لیے سڑکوں پرنکل آئے۔
تفصیلات کے مطابق عراقی دارالحکومت بغداد میں بد عنوانی کے خاتمے اور سیاسی اصلاحات کے لیے 20 ہزار سے زائد افراد نےریلی نکالی ۔
ریلی میں ہزاروں افراد شریک ہوئےاور شرکاء نے حکومت سے بد عنوانی کا خاتمہ اورعوام کو بنیادی سہولیات فراہم کرنے کا مطالبہ کیاہے۔
واضح رہے کہ عراق میں گزشتہ ایک ماہ سے سیاسی اصلاحات اوربدعنوانی کے خلاف مظاہرے جاری ہیں۔
دوسری جانب عراق میں خانہ جنگی کی بھی صورتحال ہے داعش نامی دہشت گرد تنظیم عراق کے مختلف علاقوں میں اپنا تسلط جمائے بیٹھی ہےجس کے خلاف عراق اور اس کی اتحادی افواج نبرد آزما ہیں۔
