ریاض: سعودی عرب میں رمضان المبارک کا چاند نظر نہیں آیا ہے جس کے مطابق پہلا روزہ بروز جمعرات 23 مارچ کو ہوگا۔
عرب میڈیا کی رپورٹ کے مطابق سعودی عرب میں رمضان المبارک کا چاند دیکھنے کے لیے روہت ہلال کمیٹی کے اجلاس میں مجلس شوریٰ کے ارکان سمیت ماہر فلکیات شریک ہوئے۔
سعودی رویت ہلال کمیٹی کا اجلاس ریاض کے نواحی علاقے تمیر میں جاری تھا۔
رویت ہلال کمیٹی نے بعدازاں اعلان کیا کہ مملکت میں رمضان المبارک 1444 ہجری کے چاند سے متعلق شہادتیں موصول نہیں ہوئی لہٰذا پہلا روزہ بروز جمعرات 23 مارچ کو ہوگا
حرمین شریفین (مسجد الحرام اور مسجد نبوی ﷺ) میں کل بعد نماز عشاء تراویح ادا کی جائے گی۔
#BREAKING: The #Ramadan crescent moon has not been sighted in #SaudiArabia on Tuesday pic.twitter.com/fi8YZ8SbbS
— Saudi Gazette (@Saudi_Gazette) March 21, 2023
واضح رہے کہ اس سے قبل سعودی عرب میں سپریم کورٹ کی جانب سے عوام سے اپیل کی گئی تھی کہ وہ 21 مار بروز منگل ملک بھر میں رمضان المبارک کا چاند دیکھیں۔
سپریم کورٹ نے اپیل کی تھی کہ جو بھی شخص چاند دیکھے وہ قریبی عدالت یا سرکاری دفتر میں جاکر اپنی شہادت قلم بند کروائے۔
یاد رہے کہ گزشتہ دنوں سعودی عرب میں عید الفطر اور عید الاضحیٰ کی تعطیلات کا اعلان کیا گیا تھا جس کے مطابق عید الفطر کی تعطیلات 17 اپریل سے ہوں گی۔
