پشاور: یوٹیلیٹی اسٹورزکارپوریشن نے رمضان ریلیف پیکج 2024کیلئے مزید مستحق شہریوں کی رجسٹریشن شروع کرنے کی سفارش کردی۔

تفصیلات کے مطابق یوٹیلیٹی اسٹورزکارپوریشن نے سیکریٹری بینظیرانکم اسپورٹ پروگرام کو خط لکھا ، جس میں
رمضان ریلیف پیکج 2024کیلئےمستحقین کی رجسٹریشن کی درخواست کی۔

ذرائع نے بتایا کہ خط میں مزید مستحق شہریوں کی رجسٹریشن شروع کرنےکی سفارش کی گئی ہے اور مستحقین کی رجسٹریشن کیلئے یوٹیلیٹی اسٹورز کی جانب سے مددفراہم کرنے کی بھی پیشکش کی۔

ذرائع نے بتایا ہے کہ ملک بھر میں یوٹیلیٹی اسٹورزپررجسٹریشن ڈیسک قائم کئے جاسکتےہیں , رمضان پیکج کیلئےبی آئی ایس پی مستحقین کی تعداد بڑھائی جا سکتی ہے۔

خط میں کہنا تھا کہ مشاہدے میں آیاہےمستحقین کی کثیرتعدادسابقہ رمضان پیکجزسےمحروم رہی، اس سال یقینی بنایا جائےگا کہ کوئی مستحق رمضان پیکج سےمحروم نہ ہو، رمضان ریلیف پیکیج2024 کا آغاز4 مارچ سے ہوگا۔