کراچی : ماہ رمضان کے آتے ہی پھل اور سبزی کے تاجروں کا ایمان بھی تازہ ہوگیا، اشیاء کی قیمتوں میں 50فیصد تک اضافہ کردیا جس کے نتیجے میں غریب اور متوسط طبقے کے عوام پریشانی کا شکار ہوگئے۔
تفصیلات کے مطابق سبزی منڈی کے تاجروں نے پھل و سبزیوں کی قیمت میں50فیصد اضافہ کردیا کردیا، ذرائع کا کہنا ہے کہ
سبزی منڈی کےتاجر ہر قسم کا پھل کولڈ اسٹورز میں ذخیرہ کرلیتے ہیں۔
ذخیرہ اندوز تاجر ماہ رمضان میں پھل من مانی قیمتوں پر فروخت کرتے ہیں، ماہ رمضان سےقبل 40روپے کلو فروخت ہونے والا خربوزہ 70سے80روپے کلو، تربوز60 روپے، گرما 100 روپے کلو کردیا گیا۔
امرود 300 روپے،پاکستانی سیب 200 سے 250 روپے،ایرانی سیب 300سے400روپےکلو کردیا گیا، کیلے100 سے 200 روپے فی درجن فروخت کیے جارہے ہیں۔
اس حوالے سے شہیریوں کا کہنا ہے کہ تھوک، ریٹیل سطح پر سرکاری نرخوں پرعمل میں انتظامیہ کی کوتاہی مہنگائی کی بنیادی وجہ ہے۔
