لاہور: احتساب عدالت نے رمضان شوگرملزکیس میں نامزد شہباز شریف اورحمزہ شہبازپر فرد جرم عائد کرنے کی تاریخ میں توسیع کردی، آشیانہ ہاؤسنگ کیس میں اہم گواہ نے بیان قلم بند کرادیا۔
تفصیلات کے مطابق لاہور کی احتساب عدالت میں رمضان شوگر ملز اور آشیانہ ہاؤسنگ اسکیم کیسز کی سماعت ہوئی جس میں نامزد مرکزی ملزمان شہباز شریف اور اُن کے صاحبزادے حمزہ شہباز پیش ہوئے۔
رمضان شوگر ملز کیس کی سماعت کے دوران وکیل صفائی کی استدعا پر عدالت نے فرد جرم 9 اپریل تک ملتوی کرتے ہوئے ملزمان کو کیس کی کاپی اور ڈی وی ڈیز فراہم کرنے کی ہدایت کی۔
مزید پڑھیں: رمضان شوگر ملز کیس: شہباز شریف کے خلاف 46 قریبی ساتھی گواہی دینے کو تیار
شہباز شریف اور حمزہ شہباز کی پیشی کے موقع پر کمرہ عدالت میں شور شرابہ ہوا جس پر فاضل جج نے شدید برہمی کا اظہار کیا۔
جج نے متنبہ کرتے ہوئے ریمارکس دیے کہ اگر رویے سے متعلق بات درج کردی تو ملزمان کو بہت بڑے نقصان کا سامنا کرنا پڑے گا لہذا ایسا رویہ اختیار کریں جو آپ کے لیے نقصان کا باعث نہ ہو۔
آشیانہ ہاؤسنگ اسکیم کیس میں بھی شہباز شریف اور حمزہ شہباز پیش ہوئے جبکہ تفتیشی افسران نے احمد چیمہ کو بھی پیش کیا۔ کیس کے اہم گواہ اور جوڈیشل مجسٹریٹ عاطف خان نے جج کے سامنے اپنا بیان ریکارڈ کروایا۔
یہ بھی پڑھیں: آشیانہ اقبال ریفرنس: شہباز شریف کے خلاف گواہوں کی فہرست تیار
لیگی رہنماؤں کی پیشی کے موقع پر انتظامیہ نے سیکیورٹی کے سخت انتظامات کیے تھے اور راستوں کو خادرار تار لگا کر بند کیا گیا تھا۔
0
20
