اسلام آباد: وفاقی وزیر برائے داخلہ رانا ثنا اللہ نے تحریک انصاف کو دھمکی دے دی۔
اے آر وائی نیوز کے مطابق وزیر داخلہ رانا ثنا اللہ نے سماجی رابطے کی ویب سائٹ ٹویٹر پر لکھا کہ پی ٹی آئی کو وارننگ دیتا ہوں کہ ایک اور لانگ مارچ کا اعلان نہ کرے۔
انہوں نے کہا کہ جب بھی لانگ مارچ کا اعلان ہوگا ہم اس سے نمٹیں گے، پی ٹی آئی والوں کو آنے دیں دیکھتا ہوں اس بار یہ رکاوٹیں کیسے ہٹاتے ہیں۔
I am warning PTI against the announcement of another long march. One thing I want to illustrate, as soon as the long March is announced “let them come and I’ll see how they cross barriers this time.”
— Rana SanaUllah Khan (@RanaSanaullahPK) May 31, 2022
اس سے قبل وزیر داخلہ کا کہنا تھا کہ عمران خان نے لانگ مارچ کے لیے کے پی حکومت کے وسائل کو استعمال کیا، چند ہزار مسلح لوگ اسلام آباد کی طرف بڑھے اور انتشار پھیلانے کے لیے پارلیمنٹ لاجز اور کے پی ہاؤسز میں جتھوں کو ٹھہرایا گیا۔
مزید پڑھیں: ”آنکھیں بند کر کے رانا ثنا اللہ کو سنیں تو لگے گا بانی متحدہ ہیں“
رانا ثنا کا کہنا تھا کہ ہم نے تمام بلڈنگ مارک کرلی کہ کس جگہ کتنے لوگ تھے کے پی پولیس کو کرمنل لشکر میں شامل کیا گیا جس پر اٹک اور میانوالی کے بعد انہیں اسلام آباد کی حدود پر روکا گیا۔
ان کا کہنا تھا کہ پی ٹی آئی نے سپریم کورٹ کے فیصلے کی توہین کی اور سپریم کورٹ میں دھوکا دہی کے ذریعے آرڈر جاری کروایا، پی ٹی آئی کے مارچ کا کوئی سیاسی مقصد نہیں تھا ہمارے پاس شواہد ہیں کہ یہ سیاسی جلسہ نہیں تھا پی ٹی آئی کا مقصد افراتفری، انارکی پھیلانا اور اسلام آباد کو سیل کرنا تھا۔